طريقة عمل الممبار على الطريقة المصرية

بعد الغسيل والكحت والنقع فى الملح والخل

الحشوه تختلف من شخص لاخر انا احب لما تكون الممبار ضانى ان يدخل فى الحشو لحمه مفرووووومه وقليل من الطماطم المقطعه مكعبات
انما فى الممبار البقرى
خليط من الطماطم المسبكه او صلصه
بصل مقطع
شبت+بقدونس+كسبره+فلفل اخضر
ارز مصرى غير منقوع
طماطم مقطعه مكعبات صغيره
زيت
شطه+ملح+فلفل+اى توافل تفضليها على خلطه المحشى

(((كيلو نصف ممبار معها حوالى 3 كيلو ارز))

نخلط كل المكونات مع بعضها ونبتدى فى حشو الممبار بعد تقطيعه الى الطول المناااسب
انا مش بربط الممبار لانه اول ما بينزل فى الماء بيقفل من الاطرااااف

طبعا ده جزء من الممبار

نضعه فى الماء المغلى مع اضافه الملح

نتركه حتى ينضج تقريبا ساعه الا ربع
نطلع الممبار من الحله ونحطه فى مصفى حتى ينشف تماماا من الماااااااااااء
مهمه الخطوه دى علشان التحمير

نحمر الممبار فى زيت ساخن من كل الجوااااااااانب حتى يكتسب اللون الذهبى
ونطلعه على ورق مطبخ حتى يمتص الزيت الزااائد
وده شكله النهائى

وده من الدااااخل احمر وفى نفس الوقت طرى من الطماطم المقطعه والبصل

 

بالهنا وشفا 

طريقة تنظيف الممبار



كل سنه وانتو طيبين
كلنا بتوجهنا مشاكل فى العيد ومنها تنظيف الممبار
وكل وحدة بيبقى وقتها ضيق جدا وعايزة تعمل كل حاجة فى اقل وقت ممكن
ونبقى نفكر اية هى الطريقة السهل السريعة
عشان نوفر التعب والمجهود
تعالى شوفى طريقتى فى تنظيف الممبار
طبعا انا لانى كنت عايشة ومتربية فى ليبيا فالحاجات دى من اسهل ما يكون عند اليبيبن واكيد اتعلمتها منهم
هما بسم الله ما شاء الله عليهم نظاف جدا
واجدع ناس يعمله الحاجات دى

كفاية رغى وندخل بقى على الكلام المفيد



الاول هنجيب الممبار ونغسله كويس بالمية تحت الحنفية مية كتير
بنملى الممبار مية زاى الخرطوم
مرة واتنين وتلته وكمان اربعة

وده الممبار لما غسلته كويس



هنجيب لوحة التقطيع ونحط عليها الممبار
وبسكينة ما تكنش حامية نكحط بيها الممبار من اول طرف ليه



هنقلب الجزء اللى كحطنا ونمسكه بايدنا
ونخالى السكينة بالاتجاة التانى ونكحط بشكل مستقيم
ونسحب الجزء اللى مسكينه بادينا



نعمل العمليه دى لحد ما نخصل
هتلاحظى انه بقى يتكوم حاجات كتير جوة الممبار
شوفة اية اللى جوة بقى عامل ازى




هنا لما كله نزل
بلاوى



شوفته قلبه بقى ابيض شق الفت ازى



هنا هنقلبه هندخل طرفة جوة الممبار وتحت الحنفيه نمله مية هتلقيه مشى لوحدة واتقلب وممكن كمان تشدى بايدك من تحت عشان يسهل اكتر
انا ما كنتش عارفة اصورة الحته دى وخليت ابنى يصورها بس طبعا ما طلعهاش زاى ما انا عايزة
يارب تكون الخطوة ده واضح




بعد ما قلبته كله
حطيت عليه صابون سايل اه والله صابون سائل بتاع المواعين
فركته كويس فيه وسبته شوية منقوع فيه




بعدها فتحت الحنفية عليه وشطفته كويس جدا



بعدها حطيت عليه ملح وخل وعصرت ليمون عليه وخدت قشرة وضربته (عشان الريحة بتعطه تطلع)بالكبة او ممكن تبشرية وحطيته عليه وسبته تقريبا اكتر من ساعتين






هنا حضرت الحشوة بتاعتى عشان احشيه

عبارة عن (كزبرة خضرةوبقدونس وبصل اخضر او ناشف بس انا بحب الاخضر طماطم وفلفل اخضر وصلصة وشوية زيت والبهارت ونعناع لو فى اخضر يبقى احسن ممكن حته كبدة صغيرةو رز )
بس هو صغير اوى هحشية ازى
اكيد ليه طريقة
طبعا بالقمع



بدخل القمع فى طرف الممنبار
معلش الكهربة قطعت عشان كدة الصورة صفرة




بمسكة بالطريقة دى وبحط الخلطة بتاعتى بالقمع وبنزل الخلطة بصباعى



وكل شوية اسحب الخلطة لتحت بايدى
لحد ما اخلص كله

وبرصهم فى الحاله بتاعتى
وبحطى عليه ميةنفس الكمية اللى بحطها على ورق العنب والملفوف
وبحطه على النار ولو لقيته لسه ما استواش بزودة مية بس تكون مغليه



يلا كدة خلاصنا
يارب يكون الشرح واضح

اقوم انا بقى اولع عليه النار عشان العيال يتغدوا به

كل سنه وانتم طيبين يا قمر ات